Klubi i komplotistave!

Nje njoftim ne prage te mbarimit te ultimatumit te mazoneve antishqiptare jane mbledhe kryemazonet e Shqiperise per te percaktue projektin e RRezimit te Qeverise Berisha 2''

I nderuemi Rush Dragu!

Po te nisi ket material edhe pse nuk njihena vetem per me nda me ju ket subjekt shqiptar nga skena politike.

Duket ky njoftimi i jem si nje truke groteske i sajuem a i trilluem nga mikro-guzhina e fantazise se njeriut te hallakatun neper terharrjet e amendesive, por aty asht fotoja me presidentin e juej te PD-es qe ndodhet pran nje kryediktatorit qe duhet te ndodhej ne biruce dhe jo prane presidentit tone Bamir Topi ''te nderuem''. Shif dhe vlereso!
Dicka percepton,...

                    Nje njoftim ne prage te mbarimit te ultimatumit te mazoneve antishqiptare jane mbledhe kryemazonet e Shqiperise per te percaktue projektin e RRezimit te Qeverise Berisha 2''

Mendova t'ju ve ne dijeni per nje material qe ban fjale per nje Takim te nivelit te nalte te disa presidenteve shqiptare ne prage te sulmit nga PS me bandat e saj brenda dhe jashte shtetit diten e nesermen qe mbaron Ultimatumi i Mazonit antishqiptar - bllokmenit Edvin Kristaq Rama.
Takimi nuk asht thjesht kokteji datelindjesh, por dicka e zeze per kombin shqiptar sepse asnje mesazh te urte nuk del prej gojeve te tyre per kombin qe jane mbledhe si ish presidenta te kombit shqiptar. I ka mbledhe antiberisha dhe pro-edvinista.
Ju lutemi vleresojeni serioz kete takim ne moment delikat per kombin shqiptar!!!!!!!!!!!!!!!!!!!!!!

Po ju nis nje material flagrant te ''Klubit te komplotistave'' te Rrezimit te Qeverise Berisha 2.


Po te nisi nje material interesant qe nuk e di se a e ke lexue por shume e randsishme per aktualitetin.

Fotoja ashte deshmi e Bamirit si pjese e kesaj klubi komunist kunder popullit dhe demokracise shqiptare.

A veni re sesi Bamir Topi ne 2 dhjetorin e 2009 ndjehet i lumtur prane diktatorit te Shqiperise Ramize Alia per ''80 vjetorin e'ditelindjes se Moisiut''.
A thua ta marrim seriozisht kete takim te tyre festiv apo nje tjeter synim i erret politik, ku bashkohen militantet e komunizmit per te komplotuar rrezimin e qeverise Berisha 2?
Te ulet nje president i se djathtes Bamir Topi prane diktatorit Ramiz Alia per qejfe nuk esht serioz dhe e moraleshme per nje president qe perfaqeson antikomunizmin qe asht votue nga e djathta persekutuese dhe  del hapun pa maske Bamir Topit, qe nuk perfaqeson ne fakt te djathten por planet e erreta te komunizmit.
Dhe kjo sjellje e tija publike duhet vleresuar shume. Pra une e kuptoj se takimi i kater presidenteve si;
- Ramiz Alia - Diktatori i popullit shqiptar per 50 vjet
- Rexhep Mejdani - ish president i socialisteve qe direkt udhehoqi Rrezimin e qeverise demokratike me dhune revolucionare.
- Alfred Moisiu i biri i antarit te KQ te PPSH dhe funksionar i shtetit komunist dhe ushtarak i larte i komunizmit.
- Bamir Topi sot president i ''PD-es'' qe ne vitet e izolimit dhe terrorit komuniste u dergua nga Ramiz Alia per specializim dy vjet ne Itali, mik i ngushte i Edvin Rames- biri bllokmen,.....burre i dhunshem ndaj grave dhe ndaj nenes, shkaterrimtar i familjes.

Kjo panorame nuk e nderon Bamirin ne ket mjedis kaq implikues. Si presidenti i se djathtes dhe si zyrtar i plurarizmit nuk duhet ta kryente kete takim me njerez te tille sepse qendrimi me nje diktator per qejfe festash esht sa e pamoraleshme aq dhe antikushtetuese.
Qendrimi i presidentit aktual Bamir Topi me nje diktator te komunizmit shpreh tjeter se nuk i ka denuar Gjenocidin komunist mbi nje pjese te popullsise, mbi nje pjese te besimit fetar ne mosfirmosjen e Bamirit te Ligjit te Lustracionit kunder Krimeve te komunizmit.
Veprat e tija ne favor te klases komuniste te padukeshmet tash po bahen te dukeshme. Dihet boterisht lidhjet e presidentit Bamir te padukeshme dhe te dukeshme me Edvin Kristaq Ramen si bir i bllokmeneve dhe nje mazon antishqiptar i terbuar ne sherbim te antishqiptarizmit.
Mua me shkon mendja se keta jane bashkuar per nje komplot meqenese njihen si Ramizi, Mejdani dhe ,....

  Te fala
   Bepi

Ditëlindja e Moisiut, festa që mblodhi bashkë katër presidentët shqiptarë

[ posto kete artikull ne faqet me poshte ]

del.icio.us

blinklist

digg

Facebook

Furl

ma.gnolia

Newsvine

Pownce

reddit

StumbleUpon

Technorati

Twitter

Ramiz Alia, Alfred Moisiu, Rexhep Meidani dhe Bamir Topi janë ulur dje në "tryezën presidenciale" për të festuar ditëlindjen e 80-të të Alfred Moisiut

 Është dashur ditëlindja e President Afred Moisiut që katër nga pesë Presidentët e Shqipërisë të mblidheshin bashkë në një tavolinë. I vetmi që mungonte ishte Sali Berisha, por mungesa e tij nuk ndikoi aspak në bukurinë e një tavoline të rrallë. Të gjithë ndodheshin aty për një rast të veçantë, ditëlindjen e Presidentit Alfred Moisiu.
Një ceremoni që nisi disi thjeshtë, por që meriton plotësisht një mbrëmje gala. Gjithçka u organizua nga familja e presidentit Alfred Moisiu. Tre vajzat dhe dy dhëndrit u kujdesën për të gjitha detajet e një mbrëmjeje perfekte. Ndoshta i vetmi "peng" ishte mungesa e politikanëve, por nga ana tjetër kjo i dha festës një kontekst edhe më të veçantë, sigurisht më të bukur. I festuari, President Alfred Moisiu kishte përgatitur një tryezë të veçantë, ku një nga një u ulën të gjithë presidentët shqiptarë.
Që në fillim të festës në tavolinë binte sy prania e një gruaje pothuajse e panjohur për pjesën më të madhe të të ftuarve. Ajo ishte ulur në krah të presidentit Alfred Moisiu. Kureshtja e të ftuarve u shua menjëherë nga vajzat e presidentit, të cilat shpjeguan se ishte halla e tyre. "Ajo është më e vogël se sa babai",- i tregonte të ftuarve Rubena Moisiu, doktoresha.
I pari që u shfaq ishte Ramiz Alia. Edhe pse 85 vjeç ai ka shkëlqyer në festën e 80-vjetorit të Alfred Moisiut. Ai është takuar me President Moisiun dhe më pas ka zënë vend në atë që mund të quhet "tryeza presidenciale". Pas tij ka mbërritur President Rexhep Meidani i shoqëruar nga bashkëshortja Lidra. Më në fund ka mbërritur Presidenti aktual, Bamir Topi i shoqëruar nga bashkëshortja Teuta. Me mbërritjen e tij tryeza u plotësua, pasi askush nga të ftuarit nuk shpresonte për ardhjen e ish-presidentit, tashmë kryeministrit Berisha.
Edhe pse të ndarë nga idetë politike, presidenti i fundit i diktaturës, Ramiz Alia, dhe presidenti aktual, Bamir Topi, duket se kishin shumë për të folur mes tyre. Të dy u angazhuan në një bisedë që nga larg dukej tepër interesante dhe kjo i bëri përshtypje pjesës më të madhe të të ftuarve. Por sigurisht zemra e tavolinës ishte president Aflred Moisiu, i cili detyrohej herë pas here që të ndërpriste bisedën për të përshëndetur ose trokitur gotat me të ftuarit.
Një vend të veçantë të festën e Presidentit ka zënë gjyqësori. Pothuajse të gjithë anëtarët e Gjykatës së Lartë ishin të pranishëm në ceremoni. Edhe përfaqësuesit e prokurorisë dhe sidomos miqtë e djalit të presidentit kishin një vend të veçantë në festë. Në ceremoni ndodheshin edhe të gjithë ish-bashkëpunëtorët e Alfred Moisiut në kohën kur ai drejtonte presidencën shqiptare. Secili prej tyre kishte një histori për të treguar, një moment të vështirë, por edhe arritje të shumta gjatë pesë viteve në krye të shtetit.
"Është një ceremoni e thjeshtë e organizuar nga unë, tre vajzat e mia dhe dy dhëndurët. Këtu nuk duhet harruar edhe kontributi i nipërve dhe mbesave të mia",- tha president Moisiu në fjalimin e tij të shkurtër, ku falënderoi të gjithë të pranishmit. E gjatë kësaj kohe në sallë shiheshin vajzat e tij, të cilat kalonin tavolinë më tavolinë për të trokitur gotat me të ftuarit. Të tria dukeshin shumë të lumtura që ceremonia e organizuar prej tyre ishte e arrirë në perfeksion.
Më pas ishte radha e vetë presidentit Moisiu që të trokiste gotat një nga një me të ftuarit. Ky ishte edhe kulmi i mbrëmjes gala të 80-vjetorit të një prej njerëzve që ka lënë gjurmë thelbësore në historinë e Shqipërisë, President Alfred Moisiut.

Stërmbesa që mori vëmendjen e të ftuarve
"Nuk e kisha menduar që do t'ia arrija ditës kur do të bëhesha edhe me stërnip",- tha i mallëngjyer president Alfred Moisiu përpara të ftuarve në ceremoninë e 80-vjetorit të tij. Ai kërkoi që të kishte pranë edhe vajzën e vogël teksa do të mbante fjalimin e shkurtër falënderues për të pranishmit. Pas këtij momenti stërmbesa mori vëmendjen më të madhe të të ftuarve dhe e gjithë familja presidenciale dukej e lumtur nga kjo gjë. Vajza e vogël u vu në qendër të vëmendjes.
Fjalimi i presidentit ishte i shkurtër, por konciz. Ashtu si në vitet e presidencës, Alfred Moisiu nuk është zgjatur në tema të kota, por, pasi ka falënderuar të ftuarit, ka vlerësuar atë që ishte "qershia mbi tortë", tavolinën presidenciale ku ishin ulur krah për krah katër presidentët e Shqipërisë.

Arritjet e një jete për tu mbajtur mend
Teksa kryente studimet në gjimnazin e Tiranës dhe merrte pjesë në Luftën Antifashiste NÇL as vetë djaloshi Alfred Moisiu nuk kishte menduar se do të arrinte që në 80-vjetorin e tij të kishte një histori kaq të pasur jete për të treguar. Që nga viti 1946 jeta e tij ka njohur vetëm përpjekje dhe arritje të admirueshme. Pasi mbaroi shkollën e Inxhinierisë Ushtarake në Petersburg në Rusi, ai nisi studimet në Akademinë e Inxhinierisë Ushtarake në Moskë, nga ku u laureua me medalje të artë. Në vitet 1967-1968 ai kreu Kursin e Lartë të Shtabit të Përgjithshëm dhe nisi karrierën e gjatë ushtarake. Dy herë Alfred Moisiu iu afrua politikës, një herë si zv.ministër dhe më pas si ministër i Mbrojtjes për tu zgjedhur më 26 qershor 2002 në postin më të lartë të shtetit shqiptar, President i Republikës. Pesë vite të lodhshme, por edhe të bukura të mbushura me përplasje politike dhe momente kritike që kërkonin zgjidhje të menjëhershme. Dhe pikërisht për këtë do të mbahet mend gjatë president Alfred Moisiu, për zgjidhjet që ka ditur t'i japë krizave politike në vend.

Mungesa e politikës në një festë apolitike
Ajo që i ka munguar festës së 80-vjetorit të presidentit ishte pikërisht politika shqiptare. Edhe pse kishin marrë ftesat përkatëse, krerët e politikës kanë preferuar që të mos shfaqen në ceremoninë zyrtare. Kryeministri Berisha, kryetari i opozitës Rama apo kryeparlamentarja Topalli u pritën, por nuk erdhën në ceremoni. Për habi edhe pjesa tjetër e politikës, duke ndjekur shembullin e "liderëve" nuk mori pjesë në festime. Të vetmit anëtarë të mazhorancës që pranuan me shumë kënaqësi ftesën e president Alfred Moisiut ishin Besnik Mustafaj dhe Aleksandër Biberaj. Por të dy këta të ftuar nuk mund të quhen pjesë e mazhorancës, sepse janë tërhequr nga politika aktive pas kontradiktave dhe përplasjeve me klanin e kryeministrit Berisha. Nga ana tjetër edhe e majta ishte tërësisht e papërfaqësuar. Deputeti Namik Dokle dhe kryetari i PDS-së, Paskal Milo, ishin të vetmit që kishin shkuar në ceremoni e ditëlindjes së President Alfred Moisiut. Por në ceremoni nuk mungoi pjesa e profesionistëve apolitikë. Ambasadorë e diplomatë të shumtë ndodheshin aty për të trokitur gotat me presidentin e tyre.

Të gjithë të ftuarit e festës nuk kishin lënë pas dore edhe dhuratat për presidentin Alfred Moisiu. Edhe pse ai vetë nuk e priste një gjë të tillë, një kënd i tërë i sallës u mbush me kutitë dhe pusullat e shumta të pjesëmarrësve në ceremoni. Gjithsecili prej tyre ka shprehur respektin dhe mirënjohjen për këtë burri shteti në formën e tij, nëpërmjet dhuratave simbolike.

*
Ish-presidenti Alfred Moisiu mbush 80 vjeç

Ish-kryetari i shtetit do të organizojë një koktej në periferi të kryeqytetit, ku do të marrin pjesë të gjithë bashkëpunëtorët e tij, por edhe personalitetet e politikës, ushtrisë dhe drejtësisë shqiptare

TIRANË - Si sot, 40 vite më parë Alfred Moisiu do të gjendej për herë të parë në jetën e tij duke festuar ditëlindjen në një lokal. Në atë kohë ishte në Kavajë dhe mbushte 40 vjeç. Një koincidencë e fatit, sot President Alfred Moisiu do të gjendet sërish në lokal për të festuar 80-vjetorin e lindjes mes familjes, miqve, por edhe shumë bashkëpunëtorëve të tij.
"Kam festuar 40-vjetorin në lokal. Në atë kohë isha në Kavajë, komandant i brigadës xheniere. Ishte hera e parë që festoja një ditëlindje në një lokal ku merrnin pjesë shumë njerëz. Pak a shumë mund të quhej një ditëlindje publike. Si për koincidencë u deshën 40 vite të tjera për të festuar sërish në lokal mes miqve dhe shokëve. Gjithmonë i kemi festuar ditëlindjet në familje, por këtë herë po e bëjmë më të madhe", - thotë President Alfred Moisiu.
Gjithçka ka nisur si një festë e vogël private, por pak nga pak rrethi i të ftuarve është zgjeruar, duke e shndërruar evenimentin në një mbrëmje gala që do të mbahet mbrëmjen e sotme në një nga lokalet në periferi të kryeqytetit. Presidenti ka shumë për të rrëfyer për këto 80 vite të një jete të mbushur me arritje të gjithanshme, por dje ai gjendej duke u marrë me përgatitjen e fundit. Në krah kishte vajzat që po e ndihmonin për t'i dhënë dorën e fundit ceremonisë.
"Do të nisë në orën 19:00 në një lokal në periferi të Tiranës dhe kemi planifikuar të zgjasë dy deri në tre orë", - thotë president Moisiu, i kontaktuar nga "Shekulli". Ceremonia pritet të shndërrohet në një aktivitet mondan, ku do të marrin pjesë personalitetet më të larta të shtetit. Aty janë ftuar ish-presidenti Meidani, presidenti Topi, kryeministri Berisha, kryeparlamentarja Topalli, kreu i opozitës, Edi Rama, e shumë personalitete të tjerë.
"Në ceremoni do të jenë miq e shokë, por edhe të gjitha personalitetet shtetërore. Janë ftuar të gjithë njerëzit, me të cilët kam punuar gjatë kohës së presidencës. Përveç tyre, do të jenë të pranishëm edhe shumë miq e kolegë të mi të kohës së ushtrisë, por edhe përfaqësues të sistemit të drejtësisë", - thotë Presidenti.
Këta dy të fundit nuk mund të mungonin në asnjë rast. Gjatë pesë viteve të presidencës, Alfred Moisiu është angazhuar me të gjitha energjitë për reformimin e sistemit të drejtësisë, si dhe përmirësimit të ushtrisë shqiptare. Dy reformat e kërkuara me forcë nga Presidenti nisën vite më parë, por vetëm ajo e ushtrisë dha fryte dhe sot Shqipëria është pjesë e NATO-s.
Festa e sotme do të ketë edhe një domethënie të veçantë. Aty janë ftuar të gjithë ata që kanë bashkëpunuar me presidentin, por edhe ata me të cilët ka pasur përplasje dhe kontradikta. Duke lënë pas çdo gjë të së shkuarës, e gjithë politika shqiptare do të mblidhet për t'i thënë Gëzuar një prej burrave të shtetit shqiptar.
Në pesë vite presidencë, Alfred Moisiu është detyruar që të kalojë edhe momente të vështira dhe kriza politike, por të gjitha janë kaluar me sukses, duke treguar se mund të qëndrojë mbi të gjitha palët dhe të japë mendime duke u bazuar vetëm te ligji.

Karriera
Karriera ushtarake e Alfred Moisiut është gati 42 vjet e gjatë. Ajo ka filluar që në kohën e luftës dhe ka vazhduar deri në Janar të vitit 1985, kur ai ka dalë në pension. Vetë presidenti ka treguar se një nga momentet më të mira ishte mbarimi i shkollës dhe emërimi si komandant toge në shkollën ushtarake në Tiranë. Edhe pse ende nuk kishte mbushur 18 vjeç, Alfred Moisiut iu dhanë nën komandë 24 vetë që ishin shumë më të mëdhenj nga ai. Përveç kësaj, ai ishte i detyruar që t'i përgatiste ata si oficerë të ardhshëm.

Shkollimi
Një moment tepër interesant në jetën e President Alfred Moisiut është Akademia e Inxhinierisë Ushtarake në Rusi. Pas pesë vitesh e gjysmë studimesh, ai arriti që të mbarojë me medalje të artë. Si një nga studentët më të mirë të shkollës, Alfred Moisiu u caktua që të flasë para gjithë studentëve që mbaruan atë vit, të cilët u përkisnin shumë kombësive të ndryshme. Vetë presidenti e ka komentuar këtë moment shumë vite më pas duke thënë: "Ishte krenaria ime si shqiptar në këtë rast ajo që unë nuk mund ta harroj".

Ushtria
Në vitin 1966, Alfred Moisiu emërohet Komandant Brigade në Kavajë. Ai e ka mbajtur këtë post për pesë vite me radhë. Karriera e tij ushtarake ka njohur vetëm rritje deri sa në vitin 1981 u emërua zëvendësministër i Mbrojtjes. Moisiu mbajti këtë detyrë për rreth një vit e gjysmë dhe në vitin 1982 u shkarkua për arsye politike dhe u dërgua në Burrel. Ka qenë një shkarkim që nga pikëpamja e rangjeve ushtarake ishte një ulje nga Gjeneral në Kapiten, por vetë Presidenti e ka komentuar këtë me një fjali të thjeshtë: "Ashtu ka qenë koha".

Rikthimi
Dhjetori i vitit 1991 e gjen Alfred Moisiun përsëri në qeveri. Ai emërohet Ministër i Mbrojtjes në qeverinë teknike të asaj kohe. Edhe pas ardhjes në pushtet të Partisë Demokratike në vitin 1992 ai mbeti për ca kohë këshilltar dhe pastaj u emërua sërish zëvendësministër i Mbrojtjes deri në gusht të vitit 1997. Për pesë vite karriera politike e Alfred Moisiut mbeti pezull për tu ringritur deri në majën e shtetit. Alfred Moisiu zgjidhet në vitin 2002 President i Republikës, post të cilin e ka mbajtur për pesë vite, duke treguar një sens të lartë të detyrës.

*********


Moisiu: Politika të heqë dorë nga 'show'. Berisha është bërë si Enveri

TIRANË- Dy vjet pas mbarimit të mandatit, për ish-Presidentin e Republikës, Alfred Moisiu, kishte ardhur koha të publikonte kujtimet dhe përvojën e tij personale në krye të shtetit. Në librin që u promovua dje në Tiranë nga Moisiu, "Midis Nanos dhe Berishës", politikanët shfaqen ashtu siç janë.

Për Moisiun, të vërtetat duhen thënë, ndryshe, nuk mund të korrigjohen. Në një promovim libri për politikën, por që pak prej tyre e pranuan ftesën, Moisiu shprehet se politika duhet të heqë dorë nga show i ditës.

Në libër, Moisiu paraqet një analizë të hollësishme të situatave politike para zgjedhjes së tij si president, vijon me fillimin e detyrës, e më pas me vitin e ndërrimit të pushteteve.

Pas hedhjes së kujtimeve dhe risjelljes së memories institucionale, Moisiu dallon qartë punën e dy kryeministrave më të cilët, ai ka punuar si President, Fatos Nano dhe Sali Berisha. "Unë kam pasur përplasje me Nanon edhe Berishën.

Nano ishte i sofistikuar në përplasje, por Berisha ka abuzuar në mënyrë progresive",- u shpreh dje Moisiu gjatë promovimit të librit. Ish-Presidenti i vendit nuk nguron aspak që Berishën ta krahasojë me diktatorin Enver Hoxha, teksa shprehet gjatë fjalës së shkurtër se, "kishim një dhe po na bëhen dy Envera".

Ndaj dhe Moisiu në librin e tij veçon se, "19 vjet pas rënies së komunizmit, ende nuk janë rrëzuar mentalitetet dhe format e mendimit, apo luftës politike të asaj kohe. Po të mos kishin ndodhur gjithë ato ngjarje në vite, që erdhën si pasojë e punës së gabuar drejtuese të kësaj pjese të politikës, Shqipëria, me siguri, me kohë do të ishte bërë pjesëtare e NATO-s si dhe do të ishte integruar edhe në BE".

Ish-Kreu i Shtetit shprehet qartazi se qëllimi i paraqitjes së ngjarjeve gjatë pesë viteve, është që populli të gjykojë jo vetëm për të si ish-president, por edhe për kontributin e secilit drejtues kryesor, në mënyrë që në të ardhmen të mos bëhen gabime për zgjedhjen e tyre.

"Të mos harrojmë për asnjë çast se Shqipërinë do ta bëjnë shqiptarët. Të tjerët, miqtë dhe aleatët na kanë ndihmuar dhe do të na ndihmojnë, por kryesorët jemi ne vetë", - shkruan Moisiu, i mbështetur edhe nga paraardhësi i tij në krye të shtetit, Rexhep Meidani.
Ky i fundit shkruan në parathënien e librit se, "Gjatë kësaj periudhe, Presidenti Moisiu me gjithë përpjekjet e përditshme për t'i mënjanuar, ai ka ndjerë në vazhdimësi "kërrabat" dhe pengesat e pakuptimta të politikës së ditës, pse jo dhe paturpësinë dhe primitivizmin, arrogancën dhe egërsinë e saj, pse jo edhe pak fyerje publike dhe marifete "lojtarësh", hileqarë, apo ndihmës të tyre krejt "të budallallepsur" në servilizmin e tyre të paskrupullt ndaj liderit".

Ndaj dhe ish-presidenti Moisiu, gjatë promovimit të librit shprehet se, thellë ai ndihet i zhgënjyer: "Ndihem i zhgënjyer sepse nuk e kam kuptuar se pse kryeministrat nuk më kuptuan seriozisht se çfarë kërkoja dhe pse ngulja këmbë për të mirën e vendit".

Libri i Moisiut, asnjë politikan i djathtë

TIRANË - Edhe pse një libër për politikën, ku pasqyrohet jo vetëm përvoja personale, por edhe kontributi i secilit drejtues kryesor të shtetit, në promovimin e djeshëm, shumë pak kanë asistuar politikanët. Një libër që flet për politikanët e majtë e të djathtë, por që këta të fundit, nuk e kanë parë të arsyeshme të ishin pjesë.

Duke filluar nga protagonistët e këtij libri, Nano dhe Berisha, në promovimin e djeshëm dallonte mungesa në bllok e politikanëve të djathtë, ndërsa kishin pranuar ftesën disa prej figurave të majta të vendit si Ish-Presidenti i Republikës, Rexhep Meidani, Namik Dokle, Paskal Milo, Servet Pëllumbi e Petro Koçi.

Mungon Topi, asistojnë këshilltarët e Moisiut

TIRANË - Në librin e tij "Midis Nanos dhe Berishës", ish-Presidenti i Republikës, Alfred Moisiu, jep një falënderim të veçantë edhe për stafin e tij gjatë mandatit të tij në krye të shtetit. Kanë qenë pikërisht ish-këshilltarët e tij, që kanë respektuar ftesën e Moisiut për të qenë pjesë e aktivitetit modest.

Në promovimin e djeshëm të librit, Moisiu ka marrë urimet e tre prej këshilltarëve të tij të pranishëm, Muhamed Kapllani, Afrim Krasniqi dhe Arjan Konomi. Gjatë aktivitetit të djeshëm ishin të pranishëm edhe punonjës të tjerë të Presidencës, që kanë punuar me Moisiun, ndërkohë që u vu re mungesa e stafit të Presidentit aktual të Republikës, Bamir Topi.

| 02/12/2009

http://www.shekulli.com.al/2009/12/02/moisiu-berisha-eshte-bere-si-enveri.html