AlbDreams.net: Kërkesë për dhënien e emrit “Sali Mani”Qendrës Kulturore te qytetit Koplik.

Kërkesë për dhënien e emrit “Sali Mani”Qendrës Kulturore te qytetit
Koplik.
================================================================================
AlbDreams on 04 February, 2010 02:24:00
 
Lidhja e Shkrimtarëve dhe Artistëve të Shqipërisë. .                      
Koplik,më 30.01.2010
Dega e Shkrimtarëve dhe Artistëve
Malësi e.Madhe.
Nr. extra..prot.
Z Ramadan Lika ,Kryetar i Bashkisë .                                           
                   .
Z.Ardian Hysa, Kryetar i Këshillit Bashkiak
Këshillit Bashkiak          .
Koplik .
Kërkesë-propozim:
Lënda:  Kërkesë për dhënien e emrit “Sali Mani”Qendrës
Kulturore”Edit Durham” në juridiksionin e Bashkisë Koplik, me rastin e
65-Vjetorit të Lindjes së “Artistit të Merituar” Sali Man Ndrecaj (Pas
vdekjes):
I nderuar zoti Kryetar i Bashkisë,
I nderuar zoti.Kryetar i Këshillit Bashkiak,.
Të nderuar zotërinj këshilltarë!
Në mbështetje të Kushtetutës së Republikës së Shqipërisë si dhe
Platformës së Vlerësimit të personaliteteve kulturore-artistike të rrethit
dhe të Bashkëpunimit me pushtetin lokal,pikat 7 dhe 11, LSHA-Malësi e.Madhe,
propozon: ” Me rastin e 65-Vjetorit të Lindjes së “Artistit të
Merituar” Sali Man Ndrecaj,ish-anëtar i LSHA të Shqipërisë dhe,”Anëtar
Nderi” i LSHA,Dega  M.Madhe,ish-banor i qytetit Koplik,vitet e fundit emigrant
në Detroit(SHBA), Qendrës Kulturore”Edit Durham”Koplik,t’i jepet emri 
“Sali Mani” me motivacionin:
”Për kontributin e tij të njohur publik, në nivel lokal,kombëtar dhe
mbarëshqiptar, si kantoautor folklorik, njohës dhe studiues i folklorit të
Veriut dhe atij kosovar, pjesëmarrës i përhershëm në Festvalin Folklorik
Kombëtar të Gjirokastrës dhe në ato mbarëshqiptare,i nderuar nga Kuvendi
Popullor i Shqipërisë  me titullin e lartë”Artist i Merituar”nga viti
1973”.
Të nderuar përfaqësues të komuntetit të Bashkisë Koplik, me bindjen e
mirëkuptimit dhe të miratimit të kërkesë-propozimit në fjalë nga ana
Juaj,nënvizojmë se kërkesa jonë motivohet po aq nga konsiderata dhe
përcjellja me po aq dinjitet  nga diaspora shqiptare në SHBA e “Artistit të
Merituar”Sali Mani(pas vdekjes),për në Atdheun e vet për të cilin dashuria
dhe përkushtimi , i shprehur aq mrekullisht në amanetin e tij, nuk i shteroi
deri në çastet e fundit të jetës:
“Dua zemrën ta qetësoj.
Dua shpirtin ta pushoj.
Kta dy eshtën dua me i lanë
në Shqipni,në tokën nanë”.
-Sali Mani,SHBA 2009-                                                       .
Sekretari: Jonuz Delaj                           Kryetari:  Kadri Ujkaj