Nga : Sali BERISHA
Te dashur miq, skulptori hollandez Jaap van’t Veer admirues dhe mik i madh i Shqiperise, me dhuroi nje skulpture te gdhendur ne nje gur te marre nga Bjeshket e Namuna. Ne kete veper ai ka gdhendur historine e ngjitjes se kombit tone ne kohen e Skenderbeut, rrezimin e tij gjate pushtimit osman, diktatures hoxhiste dhe ringritjen e tij ne maja me te larta pas permbysjes se diktatures komuniste.
Pasi i shpreha mikut mirenjohjen me te thelle per kete kryeveper te vertete, dhurata me e bukur e jetes sime, ne diskutuam per Alpet e veriut, Bjeshket e Namuna, banoret e te cilave Rose Wilder Lane ne bestsellerin e saj “Majat e Shales” shkruan se jane ne femijerine e races arjane, kurse siluetat e majave te tyre i pershkruan si silueta perendimore. Miku im Jaap jetonte prej dhjete vitesh ne Alpe, ku une kam kaluar atje 27 vera te femijerise dhe rinise sime duke u ngjitur ne majat e tyre.
Mesuam mjaft gjera nga njeri – tjeri per Alpet. Ai i njihte me mire se une Bjeshket e Namuna. E informova se tani se fundi nje ekip amerikan ka zbuluar tre akullnaja shekullore ne keto Bjeshke. Zoti Jaap van’t Veer me kerkoi t’i quajme Bjeshket e Bekuara. Une jam dakord me te. Ato nuk jane te mallkuara por epike deri ne legjende, hijerenda, mistike, madheshtore, teperjetshme ndaj dhe shtypi europian po i quan gjithnje e me shume Himalajat e Europes! sb
__________________________________________________________________________________________________________
Leave a Reply