Qeveria Rama është rrëzuar nga Gjykata e Strasburgut në lidhje me çështjen e pallatit të cilin shkatërroi në Vlorë në vitin 2013 për ndërtimin e “Lungomares”.
Gjykata e Strasburgut ka vendosur unanimisht se qeveria shqiptare ka shkelur të drejtat e njeriut dhe ka urdhëruar qeverinë shqiptare të dëmshpërblejë familjarët e dëmtuar nga shembja e këtij pallati, i cili kishte si pronar vjehrrin e Lulzim Bashës.
Sipas vendimit qeveria shqiptare duhet të paguajë 13 milionë euro për vendimin e shkatërrimit të një pallati banimi i cili ishte i pajisur me leje të rregullt.
Ky vendim në fakt ka hapur kështu një precedent për çdo qytetar, prona e të cilit shkatërrohet në mënyrë të paligjshme nga qeveria.
Kompleksi “Jon” në afërsi të Ujit të Ftohtë në Vlorë është rrafshuar përfundimisht pas marrjes së pushtetit nga Rama në vitin 2013. Shembja e pallatit kishte si pronar vjehrrin e Lulzim Bashës dhe për këtë arsye shkaktoi shumë debate. Qeveria kishte dëmshpërblyer me 11.6 milionë euro pronarët e pallatit, por çështja gjithsesi u dërgua në Strasburg. /Blitz.al/
Leave a Reply