***
Kur mbollët Shqipërinë me drogë
cep më cep,
bota ju quajti
narkoshtet
* * *
Kur kriminelët s’i kap ligji as polici,
për dhjetë vjet,
i gjen ati i Rilindjes
dhe i bën kryebashkiakë
e deputet.
* * *
Baronë të drogës,
Kolumbi e Evropës,
jeni bërë gazi i botës.
* * *
Krimi i kthyer në model suksesi,
sa nga dëshira ,
aq nga vesi.
* * *
Korba që shiteni
për pëllumba të bardhë,
paturpësisht krenarë,
për çdo dështim
spektakolar.
* * *
Kulari i krimit
në qafë të Shqipërisë,
shtrënguar fort ,
nga këta enveristë
të demokracisë.
* * *
Rilindja
si kolateral i krimit,
e përmbytur
nga korrupsioni,
pa shpresë ndryshimi.
* * *
Ju vetëm poshtroni
e vidhni me nxitim,
anarki totale,
krimi mbrohet me krim.
* * *
Nga interesi,
servilizmi e frika,
që u ka pushtuar,
atin e rilindjes,
dikush e quan Skenderbé,
e tjetri Guru,
si delirantë të gjithëditur,
të tredhur në tru.
* * *
Ju duhen edhe dy mandate,
nuk arrihet në disa orë,
që gjithë shqipëtarët ,
të quhen diasporë.
* * *
Ku treti betimi ?
Ç’u bë premtimi?
A ka një kufi ?
Ku ndahet shteti nga krimi?
* * *
Shqipëtarët nuk po mendojnë,
rast i vajtueshëm,
ky vend po bëhet
i pabanueshëm.
Mbi fatet e atdheut
po luhet teatri tragjikomik,
ndersa populli po bën,
gjumin letargjik.
* * *
S’kemi drejtësi ,
ajo është e kapur,
në parlament,
deputetët luajnë teatër.
* * *
Drejtësisë ende
nuk i kanë dalë dhëmbët,
I ka të lidhura
duart dhe këmbët,
ajo qe shkatrrimtare,
ka obortuar,
ndersa presidenti i republikës,
na qënka pengesë,
e duhej shkarkuar?!
* * *
Kur votoni ,
Bariun e kriminelëve,
Kryemashtruesin,
sikur keni rënë në dashuri,
me përdhunuesin.
* * *
Kur flasim
për votimet e 30 Qershorit,
si fytyra e turpit,
diktuar nga krimi,
e çdo lloj horit.
* * *
U mbarsën fletët e votimit,
u shumuan si mizat në hale,
në ujëra të ndenjura ,
e nder moçale.
* * *
Forca juaj
ka lidhje me çdo krim
ju erdhët në pushtet,
si mallkim,
për vendin tim.
* * *
Ndaj, nuk durohet më,
kjo kopé ujqërish,
kjo lukuni,
është koha të zgjohemi,
t’i dalim zot vendit,
me urtësi.
2 Shtator 2020
Leave a Reply