Romeo GURAKUQI – Asnje akt dhune nuk eshte i pranueshem per qytetaret e Shkodres dhe drejtuesit lokale te PD dega Shkoder. Dhuna nuk ka lidhje me protestuesit paqesore te organizuar nga rrjetet sociale, as me aktivistet, qe ne kete dite pushimi iu bashkuan thirrjes se shoqerise civile ne mbrojtje te jetes, lirive dhe per te denuar aktin e vrasjes policore te te riut Klodian Rasha ne Tirane.PD distancohet plotesisht nga keto veprime, sikurse i kujton zotit Edi Rama, qe rendimi i situates ekonomike dhe sociale ne Shkoder, terheqja e organeve te rendit publik nga plotesimi i detyrimeve ndaj qytetareve te Shkodres, eshte pergjegjesi direkte e qeverise, implikimit te sterholluar te strukturave te padukshme te lidhura me mazhorancen, me arrogancen kryeministrore, te cilat bashkarisht kane cuar ne shkaterrimin e jetes normale ne Veri te vendit.Eshte e mira qe Kryeministri EdiRama, te kete kurajo, te lexoje me vemendje mesazhet shkodrane dhe ta vendose gishtin aty ku duhet, persa i perket ngjarjeve te sotme para selise se PS ne Shkoder. Mbase mund t’i rezultoje te jene “haramat” e ortakerise dhe prapavijes se tij, nxitesit e adoleshenteve qe shkaterronin e digjnin pa u ndale ne qytet, ose urdheruesit e ardhjes me vonese te forcave te policise ne vendngjarje. Cdo gje eshte e filmuar nga media, ndaj vleresimi i specializuar eshte hapi i pare,perpara se t’i jepet gojes kryeministrore per se koti.Kryeministri mund t ‘ia dale me dhune te ndaloje ate qe po afrohet. Mirepo, ajo cfare shoh keto dite ne rruget e sheshet e vendit eshte pertej nje organizimi te forcave politike, te cilin te “verberit” e vetekenaqur nuk do te mund ta ndalin si deri me sot. Shoh ma se shumti adoleshente te deshperuar nga kontrasti i frikshem i krijuar ne shoqeri nga padrejtesia, diferenca e thelle mes jetes se te rinjve te familjeve te “eterve te privilegjuar nga hajnia” dhe mases se papune qe vuan per buken e gojes. Thika ka arritur ne asht, por te ngijshmit nuk ia dijne te unshmit; qeveritaret dhe oligarket nuk ia dijne popullit ne skamje. Ne qofte se vijohet me kete arrogance, mos me lexu realitetin dhe me shku me kete “lokomotive” shkatarraqe perpara ne zgjedhje, kam frike se tensionet do rriten, votime te lira nuk do te kete, rrokullisja do te jete fatale per te gjithe.Kombet qe kane parandaluar ne kohe rrokullisjet, ia kane arritur t’ia dalin matane pa kosto te medha. Perndryshe, kur ne krye te kombeve ka mbizoteruar verberia, egoja e udheheqjeve mekatare, zgjidhjet kane ndodhur teper vone, kur teposhtja nuk ndalej me.
Leave a Reply